Samarqand viloyati kasbiy ta’lim tashkilotlarining yosh qutqaruvchi ko‘ngillilar klublari o‘rtasida o‘tkazilgan “Yosh qutqaruvchi” musobaqasining viloyat bosqichi yakunlandi. Musobaqada viloyatning turli hududlaridan kelgan jamoalar favqulodda vaziyatlarda harakat qilish, tezkorlik va jamoaviy hamjihatlik borasidagi mahoratlarini namoyish etdi.
Yakuniy natijalarga ko‘ra, faxrli 1-o‘rinni Samarqand tuman texnikumining “Lochinlar” jamoasi qo‘lga kiritdi. Jamoa musobaqa davomida yuqori tayyorgarlik, chaqqonlik va bilimdonlik bilan ajralib turdi va respublika bosqichida qatnashish huquqini qo‘lga kiritdi.
G‘olib va sovrindor jamoalar tashkilotchilar tomonidan diplom hamda esdalik sovg‘alari bilan taqdirlandi. Texnikum jamoasi tabriklar bilan kutib olindi va respublika bosqichiga tayyorgarlik boshlandi.
