Samarqand tumani hokimi Sirojiddin Usmanov Samarqand tuman texnikumi hududida olib borilayotgan obodonlashtirish va hashar ishlari bilan tanishdi.
Tashrif davomida ta’lim maskani atrofi va ichki hududida amalga oshirilayotgan ishlar — daraxt va gul ko‘chatlari ekish, yo‘laklarni tartibga keltirish, mavjud inshootlarni ta’mirlash kabi tadbirlar ko‘zdan kechirildi.
Hokim hashar ishlarini yanada samarali tashkil etish, jarayonlarga keng jamoatchilikni jalb qilish va mavjud sharoitlarni yaxshilash yuzasidan mas’ullarga tegishli tavsiyalar berdi. Shuningdek, texnikumda yoshlar uchun qulay va zamonaviy ta’lim muhitini yaratish, hududni obodonlashtirish hamda tozalikni doimiy saqlash muhim vazifa ekanini alohida ta’kidladi.
