“Yong‘in xavfsizligi oyligi” doirasida Samarqand tuman texnikumida targ‘ibot tadbiri o‘tkazildi. Tadbirda Samarqand tuman Favqulodda vaziyatlar bo‘limi boshlig‘i mayor Aziz Ochilov va boshliq o‘rinbosari mayor Sanjar Nafasov qatnashdi.
Targ‘ibot tadbiri davomida o‘quvchi-yoshlarni hushyorlikka chorlovchi oylikda faol ishtirok etishga, o‘z yashash xonadonlarida isitish maqsadida foydalanilayotgan elektr va gaz uskunalaridan to‘g‘ri foydalanishga, yong‘in va boshqa favqulodda vaziyatlarda birinchi navbatda 112 qisqa raqami orqali xabar berishga oid tushunchalar berildi.
Bir necha kundan so‘ng FVB xodimlari tomonidan ta’lim muassasasida takroran ko‘rgazmali profilaktik tadbir o‘tkazilib, o‘quvchilarga is gazidan zaharlanish, havo-gaz aralashmasi chaqnashi va yong‘inlarning oldini olish, shuningdek birlamchi yong‘in o‘chirish vositalaridan foydalanish qoidalari tushuntirildi.
