Samarqand tumanida “Yangi O‘zbekiston bunyodkorlari” kasbiy mahorat milliy tanlovining tuman bosqichiga start berildi. O‘zbekiston Respublikasi Prezidenti sovrini uchun o‘tkazilayotgan tanlovning ochilish marosimida tuman hokimining o‘rinbosari, tuman DXX bo‘limi mas’ullari, ta’lim sohasi vakillari, korxona va tashkilot rahbarlari, yoshlar hamda texnikum o‘quvchilari ishtirok etdi.
Tanlov O‘zbekiston Respublikasi Vazirlar Mahkamasining 2026-yil 8-apreldagi qaroriga asosan uch bosqichda — tuman, viloyat va respublika bosqichlarida o‘tkaziladi. Samarqand tuman texnikumida 16 yoshdan 30 yoshgacha bo‘lgan turli kasb egalari o‘z mahoratlarini bosqichma-bosqich namoyish etishdi.
Ko‘tarinki ruhda o‘tgan tadbir yoshlarni yanada faol bo‘lishga, kasbiy bilim va mahoratini oshirishga undadi.
